兩道彩虹

我睇《UP》 個時無喊，朋友嘉倫知道一定會低句冷血，但係昨日睇《歲月神偷》我有流馬尿，我就諗朋友嘉倫一定會選擇唔睇。

下半場係好催淚(有人覺得什至是濫情)，不過我覺得吳君如和任達華在下半場做得好好，演活了羅生、羅太兩個人(上半場我覺得吳君如依然係吳君如)。唔，我流馬尿係由羅太帶兩個小朋友去北京，臨別時給了丈夫一個無奈的表情開始。

其實唔係想講呢部戲，因為我諗好多人會去睇，亦有好多人寫了影評。

我係想show2年前放工影的double rainbow，正如戲裏大哥講，第二條虹的顏色次序跟第一虹反轉。

印像中，見個最大最大的彩虹係有一次跟友人艾菲亞在英國Chester見到的，可惜當年係無digital camera，手機未有咁高像素，最後只有用個腦記著便算。