冰島 Night 2。2 – 北極光

你是北極光　震憾也耐看　怎可有更迷人風光
我相信與愛侶同尋訪　看過這世界奇觀　便有幸福將飄降

北極光其實都係冰島之旅的另一個highlight，原本按排在第一晚，可惜到埗時滿天厚雲。旅館代旅行社通知我們改到第二晚，始終都係大自然現象並非人能夠控制得到。

另外北極光出現在冬季，夏天book唔到Northern Light Tour (最早的是10月1日)。其實tour係好low cost production，只是提供一個導賞員給一部旅遊巴，車了所有遊客由好多街燈的市中心去到一個黑孖孖的海旁，咁樣盛謂廿幾三十歐羅。

我們由九點吹了一個鐘風，大約十點幾才發現天上出現白光。係白光，雖然相機拍出是綠色的。

我們應該是幸運的一群可以睇到白光，之前有朋友來過，不過只是吹了兩個鐘風。

十一點幾返回酒店，肚餓到死，好在我地有帶合味道。



好在帶了盲俠行的小電筒，咁黑用大電筒會影響其他觀‘光’客。



我由屋企上機場巴士，坐到半路，才發現冇帶腳架，好在‘花朋友’不嫌我煩地借腳架我影下。



曝光要十幾30多才可以影到綠光。

冰島 Day 2。1 － Golden Circle

這個Golden Circle Tour主要包括，早上參觀地熱發電廠、Gullfoss瀑布、午飯前地熱噴泉(Geysir)、下午冰島國家公園遊 （飲食唔包）。



地熱發電廠

早上參觀地熱發電廠，有點像field trip，由於冰島位於兩塊海洋板塊中的裂谷（mid oceanic ridge)之上，冰島的土地是由新退出來的地墁組成，同時冰島上有很多火山，所以冰島很早期就發展了地熱能源。



發電廠變Lecture Hall



尼張Slide show左全個冰島的hotspots (產生地熱的地方)，去第二張Slide唔該



Borehole Core – 堪探鑽出來的石柱，有成千米咁長 (這個display出來是濃縮版)

Gullfoss瀑布 (英文解作: Golden Falls)



雖然唔係好凍嘅天氣去，但係地上已經結冰，冼到飛起，行去睇瀑布一步一步心，仲有朋友以為我呢D肥仔重心又穩又低，起勢拉著我行(有同過行山的朋友，一定唔會咁做，佢地會盡量距離我遠D，會留d空間俾我冼低，咁樣唔會累街方、唔會連累到佢地)。



咁靚又咁空曠嘅景，往往令你有大叫的衝動、同時往往你會因唔知叫乜好而乜都無叫到。

Geysir – 無音樂嘅天然噴泉



Geysir可謂係呢個Golden Circle Tour 嘅 Highlight，這個大約6分鐘噴一次水的天然噴泉，令所有人屏著呼吸，拿起相機，當中當然有我。

我幫大家等左幾個六分鐘才拍到的 －


最後一站國家公園





除了靚景之外，這裹亦是遠古冰島國會開會嘅地方。


要影靚景，零難度 （我自己覺得咋）

回程我地去了一間好local又好出名的Fish Stall喝龍蝦湯、吃帶子、鯨魚肉skewers，鯨魚肉其實好腥，不是人人接受到。







下集返來再睇low cost – high profit margin既 2。2 北極光之旅。

六月精華遊 － 冰島

見到這個時候火山灰的無冇影響歐洲各國航空交通，咁不如我們一切跳出香港去冰島遊覽一下。今次我與朋友們選了三日三夜團，名為 Northern Light City Break Tour。

http://www.icelandair.co.uk/offers-and-bookings/book-packages/package/item201439/Northern_Lights_City_Break/

但是以上tour只包來回機票、三晚住宿及一晚尋找北極光之旅，其餘時間做什麼好呢？(咁依家可能多左去睇火山團)

之前我們去的時候是未爆的，我們去了以下的冰島旅行社(好多團都是由這間Reykjavik Excursions網頁book了 1) 必去的Golden Circle Tour; 2) 騎馬仔的Lava Tour 和 3) 回程浸溫泉的Blue Lagoon之旅。

http://www.re.is/

Day 1 – 正式來講係Night 1



抵埗後已經係四點，出得海關、攞埋行李搭埋airport bus 去到酒店係六、七點。所有店鋪都關了，我們可以做的就係醫肚及window shopping。



我們住的Hotel Leifur Eirksson係2 stars，不過佢既位置在town centre，又包早餐(午餐都得，就係早餐時自己pack埋lunch)，水、茶、咖啡、橙汁任飲。


Hotel對住 Reykjavik landmark之一的太空船教堂



晚餐，always play safe的我選了Hamburger，其餘有選了魚柳，友人花拉維點了鯨魚steak好勇敢，她說這間餐煮得很像牛扒，幾好食。




酒鬼梗係試啤酒，不過今次我選了無酒精飲品 – 大麥精 Maltextrakt。


Window Shopping


Lava-people － 冰島出產由熔岩（當然係凍結左的）製成的手飾及藝術品。這個lava people有點像宮崎駿的公仔。

看見快樂對我笑

嘩8年了，時間過得真快，記得自己2002年底就是拿著她的《相愛的運氣》mp3去英國搵工做。眨眼2010年，她又發片，第一首plug歌 － 《看見快樂對我笑》，送你和我，在不如意時向好方面想，快樂就在不遠處又再向我們招手。








再送多首《自己照顧自己》

政改攻心計

以為經過余曾大辯之後，是非黑白會愈辯愈明。可惜壞人們連環襲擊，星期五見到怒詩與犯犯改一貫口徑連番say yes新聞，心裹暗叫《咁好死，兩個食錯藥》。點知原來玩分烈泛民，仲要成功咗（更令我覺得起錨900萬使得超錯）。

泛民依家俾人擊中要點，亂亂亂。希望大家冷靜下來，不要太衝動中正別人的下懷，免得招人話柄。





Do Do Da Da 來自專輯《十萬個為什麼》
作曲：Sting　 填詞：周禮茂　 編曲：C Y Kong

問怎會這樣　世間四不像
憑甚麼 野獸變高尚　憑甚麼 晦暗變希望
愛也變相變了勾當　到處去記帳到處瘋狂

Do Do Do　Da Da Da Da 這答案你會否滿意
Do Do Do　Da Da Da Da 這答案我覺得諷刺
Do Do Do　Da Da Da Da 這答案帶了點笑意
Do Do Do　Da Da Da Da 這答案似半根倒刺

綠色怎會失去光亮　誰亦不關注只有失望
目光只眷戀自身上　要找真愛這個假像
我有我去勉強反抗　你有你去看世界死亡

我們沒有在一起

其實本來奶茶係我停買唱片其中的歌手，自從她由滾石轉到維京，覺得佢嘅歌開始無咁動聽。但係今次轉到新唱片公司，主打歌《 我們沒有在一起 》慢慢聽出耳油來，感覺之前喜歡的劉若英返回來。

家裏對上 奶茶的唱片就係《年華》，不是最喜歡的專輯，記得不是播了很多次就無攞出聽。再之前的幾張，喜歡的歌是有的，還屬於很喜歡的，但是每隻碟最多三、四首，其餘的歌只有少少印象。之後的碟都無購買的衝動，尤其是維京出品的唱片。今次唔知典解去到唱片本來想搵謝安琪的《Slowness》變了買這一隻《在一起》，仲要聽落發覺有幾多好歌。

好耐聽的《我們沒有在一起》，是見到別人的blog貼出來才留意到，密密嘅歌詞，碎碎唸的向舊人說著一堆無奈、唯有你是最懂我的，可是 《我們沒有在一起》。

唱慢過Sherman大半年，不過都改得幾好，有保留最後Lala..lala的一段，MV裏15歲的奶茶有D似15歲的小丸子。

最口是心非的一首，有發生過、有喜歡過的，真的說了幾句不想念就能做到。有時覺得諗未諗，要哭就大聲哭，反而更快活過來。

Mr. Blue的作品，一首輕快的歌，訴說著一個感激你和我曾遇上的故事。

兜兜轉轉之後，落空的你希望往後的路不要走得太迂迴就好了，一切來得直接些，拍拖、結婚、生仔一條龍就最好。但是跳得咁快，咁straight forward 有乜好，true love doesn’t run smoothly…