2012 Tee Chung’s Choice 我的Ipod播放指數

其實我個ipod有時成日聽，有時又會長放響張枱到舖塵。

播放指數都因應嗰排多唔多帶佢出街，有冇sync電腦新歌入佢到，而嗰排會唔會好多新碟出聽唔哂咁多。 廢話唔講咁多倒數一下:

10) 五月天 乾杯



9) 韋禮安 累



8) 李幸倪 今天終於一人回家



7) 林凡 告別像低迴溫婉的小調



6) 伍家輝 腦袋



5) 林憶蓮 灰



4) 鍾舒漫 代你出手



3) 黃美珍 只怕想家



2) 林二汶 微醺



1) 徐佳瑩 你敢不敢

朋友家鄉之旅（下集） 食盡馬拉

本應想寫上、中、下集，因為太懶加太多藉口，拖到依家先有下集 (又懶又無恆心的人係咁)。

下集要介紹就家鄉美食~

首先要介紹就是朋友家開的雞飯店:

主要賣雞飯 (無影相)，麵 (無影相) .....

唔知點解我們都是出外買食回來，飲餐廳飲料...

早餐

主要食腸粉 (無影相)、大包(如下圖)、雞飯...

午餐

鹽焗雞、叉燒蛋飯 、叻沙(如下圖)....

下午茶

其中一日，走了去隔離市 -- 芙蓉看電影，經過芙蓉必吃必買的手信就係燒包。

試食過後，感覺係比較硬一點的叉燒酥。

晚餐

晚餐除了一晚吃了夜市，一晚吃了喜酒，剩下的一晚便開車到了Port Dickson吃海鮮餐~

有不屬海鮮的椰醬飯:

螄蛤，花蜆 (如圖下)、魚(無影相):

宵夜

宵夜除了飲奶茶之外，還有吃串燒同埋甜嘅印度薄餅...

同一般串燒冇分別

甜的，不過都點咖哩來吃

私房菜
其中有天早餐去了另一朋友家作客，伯母煮很多菜。其中要特別介紹係以下嘅雞煲，名字已經唔記得，係用酒煮的，朋友說大肚婆生完BB會吃的保酒雞煲 - 叫黃酒雞。

點睇都係紅酒雞~

朋友家鄉之旅（上集） 森美蘭州 Negeri Sembilan

四月中，在英國做餐館認識的小妹妹(真人十分高大的)終於回家結婚，結束”跳飛機”生涯(外出工作)。我和其他前餐館同事遠赴她的家鄉飲宴，不過由於她的家鄉比較遠，未赴飲宴之前我在兩位前同事的家鄉待了兩天。

他們的家鄉叫森美蘭州，出名的事物，可能係他們的F1賽車場? 他們的Port Dickson? 比KL還要近的KL機場?

觀光官方網站
http://www.promotemalaysia.com.tw/info_1_sub1.aspx?Starting_Point_id=8






森美蘭奇景

1. 二分鐘的船河



夕陽醉了，落霞醉了


2. 開叉椰樹
好似世界正美麗、冒險王那樣，一邊走一邊問人有冇見過開叉的椰樹，大家都叫我哋再向前走，終於我吔見一片椰林…..



最後我哋搵到啦 ….
原來呢棵開叉嘅椰樹大有來頭，响幾十年前….(下刪)

答案:



3. 英式 Bungalow
朋友家鄉的樓房，通常都是兩、三層的厔。唯獨這個單層樓房很少見。經過名嘴導遊誇獎，最後被說為英式Bungalow，在森美蘭難得一見，haha



其實是其中舊工友家的房子，還有一個獨立式茅廁。


4. 廟會
比日本的廟會，mmmmm….
這裡村內居民，自己家人一圍吃東西、聽歌，旁邊的廟亦有上香。



5.星期五為食街



台式盬酥雞



這檔有賣炸雞屁屁，不知是雞屎忽之前，覺得好好味，知道之後當然冇追加，另外海底棷水都可以。

英語

我啲英文爛，除了IELTS Oral得好低分之外，iPhone Siri一個英文字都認唔到我啲英文。

不過，今次走佬去到加拿大，有時唔知係自己啲英文講咋，定話其他原因？好似有次去攞政府嘢，搞掂之後諗住搭的士返公司。周圍問人的士站在那裡?

T: "Do you know where I can take a taxi?"
店員: "What is it?"
T: "Taxi"... "Ta..xi"?
店員: "Sorry I don't know what it is"

唯有自己走出商場，自己搵或者再問其人。再問:

T:"Do you know where I can find taxi rank?"..."Taxi?"
路人: "Sorry what is it?"
T: "Taxi"
路人:...
T: "Taxi, yes, Taxi.. or car rental"
路人: Oh... i see.. you can go over there....blah...blah...

明明公司office manager都叫我搭Taxi.. 唔通我真係讀得咁肉酸? 後來，朋友安慰我可能佢哋叫慣"Cab"啦，我講Taxi無人明。
------------------------------------------------------------------------------------------------

另外，唔關英語問題，就係响公司print嘢，其實都在print setting較咗A4, A3，連 landscape、portrait 都set好哂。走去printer都話有error，要再揀過tray、再拑過。

如事者過了兩、三日，都係一拑完Print飛奔去print room，免得hold住部printer。最後，我忍唔住問Admin姐姐(其實唔係好想問，因為佢有啲啲西口西面，同埋佢對我啲問題通常有種"不可思議"的表情)，點解print唔唔到A3、A4。

Admin 姐姐: "Hey, this is not Europe, we don't use European Standard like A3, A4. All we use is American Standard: letter size or 11" x 17", sometimes, not quite often, we use legal size".

咁我真係唔知，當然有禮貌道謝之後，拔足而逃，返自己位。

------------------------------------------------------------------------------------------------
其實有些唔慣，想返英國做嘢...

但為何一畢業才知 一世我也要考試

唉!! 煩過了很多applications，來近又要應對兩個考試。其實未來加拿大，HR點我去考IELTS，話驚我個work permit申請到一年，所以要我考埋去報Permanent Residence (當然最後試有考，permit 簽了三年)。

7月中，要考執業試、之後，香港駕駛執照不被承認，又要考筆試、路試。我覺得考唔停的人生，所以一聽到有人提進修、不斷增值自我，我就有二十分(10分滿分)的討厭感。

我一個人住

終於搵到地方住!!

以前在英國六年，都係住 Shared house/ apartment。今次決定唔住shared properties (不過其實真係平好多)，星期五、六發癲搵屋，搵到一間三十多年樓齡的condo / flat。其實以現在的價錢應該可以搵到更好的，不過我好懶，加上好的入住日期要在六月一之後，所以見到OK就算了。

不過俾咗一個月租加一個月按金，帶來嘅錢已經使用了90%。雖然呢到興半月出糧，不過我好擔心miss咗一個入數期，我要等3個星期先有糧出!! 上個禮拜已經開始實行緊縮政策，"冷治" 吃杯麵。

新工第一個星期

終於過咗新工第一個星期 - Orientation Week，由於新到貴境，除了認識公司 Culture、Employee Guidelines、Health & Safety外，我仲要去忙開銀行戶口(等公司出到糧俾我)、搞類似加國國型的MPF /National Insurance Number -  (這裡叫做Social_IN)、搵屋等等...

其實之前去英國做嘢，都是這樣忙，所以今次再申請所有東西，都有很多在英國中部小鎮的flash back。 另外，自己又會比較加拿大和英國，諗下諗下又覺得有啲掛住英國的生活 (雖然我臨離開倫敦時，時常口、心掛住討厭英國)。

不過，今次返工第一日，應該係最難忘。其實今次過來做嘢，多多少少都憧憬跟一位被老闆激讚的同事，希望跟呢位叻人學嘢。雖然只是interview的一、兩天見了面，不過最記得佢放口風話我application應該冇問題。今次第一返工，line manager話佢遲返公司。等到3點，line manager突然call齊全部人開team meeting公怖佢在上星期日(我到加拿大的那天)踩單車時心臟病死了。星期五，出殯日全full team (except me)去跟說 goodbye，亦有特別job code for his funeral。

其實我自己覺得去又不是，唔去又好似全... 我最後無去，趁無人我狂打電話搵屋住。

我差點做到你徒弟的Stephen，希望你RIP。
 

是時候...要走

其實都不是第一次離開香港，朋友不停問有冇什麼唔捨得？
我自己係比較遲鈍的人，呢一刻還未有，去到Calgary的時候可能有很多。


下星期一返工的地方，以後應該多些時間來寫Blog，報告我在冰櫃的生活。
各位 take care!!