五月mini精華遊 － 崖上的修道院 Montserrat

上年聖誕重遊了巴賽倫拿，由於是“重遊”的關係所以編了自己一人一日近郊遊 － Montserrat。這個建做在山上的修道院距離巴賽倫拿一個鐘火車車程，而登／落山遊‘院’則有兩個方法：1）吊車 、2）纜車。纜車的班次比較多，最一班回程車亦比吊車晚 （以我當日來說，吊車最後的下山班次為下午一時左右，所以你想搭吊車要早點登山）。



觀景：1）修道院、2）燻黑的聖母像、3）男童詩歌表演





以上三樣的參觀活動在1至1.5個鐘完成，當然修道院位置是十分適合野餐和嘆咖啡，將山下的風景盡收眼底。但是一支公又冇帶食物籃、又冇沖咖啡上山，我就有另一樣活動就係 - 行山 。

其實除了修道院外，山上較高的位置亦保存了舊時的小教堂，而我正是向其中一個 叫St. Joan Chapel 進發。 雖然是石屎山路，都要行個半鐘才到 (來回需要三個半鐘，多左嘅半鐘係喘息和拍到此一遊用的。)

建議時間: 大半天，早上出發，旁晚回到巴賽倫拿美食天堂。



起步點有很多懶洋洋小貓


雖然係一個人過的聖誕節， 但是係最好陽光的一天，心情舒暢。


汗流＿背 A）夾 B）浹 C）挾


其實係有纜車再上到達St Joan Chapel，不過又早收。 行山路就兜大圈。


見到尼個牌，仲有15至20分鐘先到


到此一遊

我不喜歡數位專輯

現在很多歌手趨向出數位專輯，不出實體光盤，但是就算我幾喜歡那位歌手，我都不會上網購買專輯，我諗我是守舊的人。
從小喜歡購買唱片，知道喜歡的歌手出輯，放學第一時間跑去唱片鋪，還未回家就已經在街上拆了包裝，欣賞專輯相片及文案。回家後除了立即播放CD，更會檢視作曲人、填詞人及細閱歌詞。
雖然有人說cd佔據空間，我亦有試過買了不能在電腦播放的新唱片，不過、不過，還是喜歡實體CD。

喜歡江美琪是由她的第一張專輯《我愛王菲》開始，由維京到種子，最近跳到這間XY，發了兩首歌都要在 www.xymusic.com 的網站下載。希望不是真的，一定要出實體CD，可憐我這走得慢嘅粉絲。

I Keep "Dancing on my own" - Robyn

瑞典創作女歌手Robyn新歌 - 《Dancing on my own》，又一首慘情電子跳舞音樂。看着舊情人跟新人出相入對的情影已經夠慘，還當自己視而不見。
94年瑞典出道，唱了13年才有她的 international no.1 single，少啲毅力都唔得。
感情方面，高叫‘I love to date girls’，率直得沒有給你半點猜想空間。



今次個video無之前呢首no.1 song 咁特別，論歌我自己覺得兩首都差不多，希望為她帶來第二首no.1 song。



我好鍾意佢‘With every heartbeat’嘅髮型，好型！！

慢慢等之後 – 有沒有?

仲有一個禮拜(六月四)，韋禮安他的首張個人專輯就推出了。特別的歌手在特別的日子出輯。

Violin x Telephone x Rude Boy x OMG = 讚

好勁嘅Violin，我之前唔識呢musician、singer-song-writer － Paul Dateh，都係人地個blog先識佢。如果你都鍾意佢尼個telephone x rude boy x OMG youtube clip，想得到佢嘅mp3 file （唔使寫信來抽獎），click入以下網址自己download啦。  http://pauldateh.com/music

原來我們都係八十後

晚上跟AC去了isquare吃《牛陣》，吃了一碟上級牛肉後，AC疑心起問我覺得這碟是否上級牛肉。我未食過尼間嘢，真係唔知。咁我們問服務員，我們剛剛吃的那一碟是否上級牛，服務員有點遲疑地說是上級。但是我們說再要一碟牛肉時，那個遲疑的服務員竟然問我們要上級牛、還是普通牛，我們入店時點的是上級牛任食餐，我們回答－‘當然係要上級牛肉’。

不久，經理走過問我們是否要由普通牛任食轉做上級牛任食。AC和我都暗罵：搞錯，叫了上級來了普通，浪費了我們的肚。我們著經理不用幫我們入單加至上級牛任食餐，普通牛肉任食餐就算。

等了一會兒還未見牛影，我又招了遲疑服務生過來（她好像我們之前沒有落order般），又再叫一碟牛加確認普通牛。正當AC讚自己醒目過人，連未食過《牛陣》的牛，都能防止《牛陣》以普通牛騙我們上級價錢，這時奇妙的事發生了。

服務員拿來的普通牛肉跟我們之前吃的不一樣，AC和我當然暗知之前吃的那碟確實是上級牛肉。AC為了打完場，便說了一句：我依家俾佢地搞亂哂，唔識分牛肉啲級數，就算係食緊上級質素牛肉都覺得好普通。

食完超‘滿足’，閒聊一下舊公司的一位‘明明’細過我們的同事。這時女人計錯年齡的病菌又侵襲AC：

AC：Ai，X同事都算係80後咩？

TC：咩呀，佢唔算80後，唔通你同我係囉，人家細過我地咁多。

AC：咩呀，你大過我，我呢啲掹車邊係80後，78、79年好近80年。

TC：咁！你計四捨五入 75、76、77、78、79年，個位四捨五入後，咪就係80。我地原來一齊都係80後。

AC: hehe。。。 咩喎我地出來做嘢遇著最壞經濟、最多病痛、03年 SARS啦。。。（AC用緊佢最叻說話技巧 － 拉開話題）

如果東龍島也出明信片

Map pic source from: http://www.hike-x.com/hiking58.htm