涼 Blog: 傻食

顯示包含「傻食」標籤的文章。顯示所有文章

2012年11月14日星期三

朋友家鄉之旅（下集）食盡馬拉

本應想寫上、中、下集，因為太懶加太多藉口，拖到依家先有下集 (又懶又無恆心的人係咁)。

下集要介紹就家鄉美食~

首先要介紹就是朋友家開的雞飯店:

主要賣雞飯 (無影相)，麵 (無影相) .....

唔知點解我們都是出外買食回來，飲餐廳飲料...

早餐

主要食腸粉 (無影相)、大包(如下圖)、雞飯...

午餐

鹽焗雞、叉燒蛋飯、叻沙(如下圖)....

下午茶

其中一日，走了去隔離市 -- 芙蓉看電影，經過芙蓉必吃必買的手信就係燒包。

試食過後，感覺係比較硬一點的叉燒酥。

晚餐

晚餐除了一晚吃了夜市，一晚吃了喜酒，剩下的一晚便開車到了Port Dickson吃海鮮餐~

有不屬海鮮的椰醬飯:

螄蛤，花蜆 (如圖下)、魚(無影相):

宵夜

宵夜除了飲奶茶之外，還有吃串燒同埋甜嘅印度薄餅...

同一般串燒冇分別

甜的，不過都點咖哩來吃

私房菜
其中有天早餐去了另一朋友家作客，伯母煮很多菜。其中要特別介紹係以下嘅雞煲，名字已經唔記得，係用酒煮的，朋友說大肚婆生完BB會吃的保酒雞煲 - 叫黃酒雞。

點睇都係紅酒雞~

2010年9月16日星期四

灰伯爵的忌廉暇想

上星期六跟友人勤去了半島吃了份高茶，雖然是下雨的星期六，但是人龍依然很長。

終於排了一個鐘才被按排到桌子，我們點了份二人茶餐，勤點了黑荔枝茶，我則選了半島名茶。

等待中。。。

時間剛剛好，安美利加入茶聚。

第一層－蛋糕層

第二層－鹹層

第三層－ Scone層

就是這樣享受了大約兩句鐘，紅茶香、牛油香、連時光都帶香。

Shiga Lin 連詩雅 -《灰伯爵的忌廉遐想》  

曲：方大同 

詞：周耀輝 

編：Edward Chan & Charles Lee 

監：Edward Chan & Charles Lee  

下午是我的下午 下午最好能偷到我的美好 

為了喜歡這樣 然後伴你喝杯灰伯爵 

然後大家不要理由搽著忌廉 一口口細賞  

@ 突然未來地闊天長 趁可以遐想 

紅茶香牛油香連時光都帶香（喝著吃著很似一種信仰） 

突然面前聚滿糖霜 

奢侈到為正常世界放下最甜的一些遐想  

下午讓我很易懶 讓我每天能偷到我的美好

就怪喜歡這樣 然後為我作出一個約 

然後大家總要有時拿著幸福 一口口細賞  

(repeat @)  

日來事忙夜會數羊 四點要遐想 

藍梅香銀匙香連甚麼都懶想（喝著吃著很似一種信仰） 

突然就如異國異鄉 

即刻答謝永恆伯爵送贈最甜的一些遐想  

(repeat @)  

無限芳香芳香芳香

2010年9月2日星期四

22蚊手打烏冬

自從舊同事美極介紹我去APM嘅Hippot食午餐，依家一個禮拜都會去一次。原因都係貪佢平，十二點半前結賬只是22蚊（之前21蚊架）嘅手打烏冬餐。

套餐包一杯飲品、兩個手打烏冬及其他少量配料。

2010年7月18日星期日

8th Estate Winery

星期六南區自由行，一行七人去了鴨脷洲工業村的釀酒工場參觀一下。這間第八村釀酒廠，早在幾年前已經開始釀酒（同時我們都講左年幾才真正去到參觀）。8th Estate自家釀製各款葡萄酒，但葡萄就不是自家種植，是由世界各地（美國、意大利、澳洲等）購入葡萄的。

今次我們參觀是免費的，不過要事前預約，另外付費六十元就可以從以下幾款酒中試4款酒。

List （1. Fume Blanc 為唯一款白酒 , 2 -4. Merlot and Cabernet Sauvignon 為兩款紅葡萄酒, Heritage為它們的Mixture 4:6 比例, 5-7 為甜酒)

這一水紅酒的葡萄都是07年由Washington State買入，不是很好品質，現在都在減價促銷，80元一支。

葡萄買入後用冷藏技術運來香港，用藍色膠筒儲起，之後要踩爛釀製時就用圖中反轉的紅啡色器皿。

發酵的三大Cylinder。

隔渣後，就入木樽/木筒，每個禮拜都check下酒蒸發了多少。

大約存放兩年，就由木筒入樽 (右為入樽器、左為木塞機)。

入箱出售(每年大約8000支生產量)。

除了廠房tour、試酒，每個月都有一日為wine party(要book in advance)。

http://www.the8estatewinery.com/

2010年5月13日星期四

原來我們都係八十後

晚上跟AC去了isquare吃《牛陣》，吃了一碟上級牛肉後，AC疑心起問我覺得這碟是否上級牛肉。我未食過尼間嘢，真係唔知。咁我們問服務員，我們剛剛吃的那一碟是否上級牛，服務員有點遲疑地說是上級。但是我們說再要一碟牛肉時，那個遲疑的服務員竟然問我們要上級牛、還是普通牛，我們入店時點的是上級牛任食餐，我們回答－‘當然係要上級牛肉’。

不久，經理走過問我們是否要由普通牛任食轉做上級牛任食。AC和我都暗罵：搞錯，叫了上級來了普通，浪費了我們的肚。我們著經理不用幫我們入單加至上級牛任食餐，普通牛肉任食餐就算。

等了一會兒還未見牛影，我又招了遲疑服務生過來（她好像我們之前沒有落order般），又再叫一碟牛加確認普通牛。正當AC讚自己醒目過人，連未食過《牛陣》的牛，都能防止《牛陣》以普通牛騙我們上級價錢，這時奇妙的事發生了。

服務員拿來的普通牛肉跟我們之前吃的不一樣，AC和我當然暗知之前吃的那碟確實是上級牛肉。AC為了打完場，便說了一句：我依家俾佢地搞亂哂，唔識分牛肉啲級數，就算係食緊上級質素牛肉都覺得好普通。

食完超‘滿足’，閒聊一下舊公司的一位‘明明’細過我們的同事。這時女人計錯年齡的病菌又侵襲AC：

AC：Ai，X同事都算係80後咩？

TC：咩呀，佢唔算80後，唔通你同我係囉，人家細過我地咁多。

AC：咩呀，你大過我，我呢啲掹車邊係80後，78、79年好近80年。

TC：咁！你計四捨五入 75、76、77、78、79年，個位四捨五入後，咪就係80。我地原來一齊都係80後。

AC: hehe。。。咩喎我地出來做嘢遇著最壞經濟、最多病痛、03年 SARS啦。。。（AC用緊佢最叻說話技巧－拉開話題）

2010年5月6日星期四

夏天將到，戶外活動過後，腦內通常都諗著一支／杯冰的Beru（已經過了掛住汽水的年紀）。而啤酒當中最好來支Sol／Corona，退而求其次就要Stella或者其他Lager。而喝Sol／Corona時，最好就有一片青檸或者檸檬。

在墨西哥旅行時，飲得最多當然係墨西哥啤酒，但是第二晚出街吃飯時我們發現除了普通的Sol/Corona/Victoria，還有一行就是寫著 Michelada Sol, Michelada Corona, Michelada Victoria… 本著每事問的精神，我們問waiter是什麼來的，waiter就解釋是啤酒加青檸汁加冰加杯口‘yam’上些鹽便是。就是這樣我們愛上了Michelada。

唔知香港的墨西哥餐廳有冇賣這種drinks?

西語中‘Mic’是啤酒，‘chelada’是混汁的意思。其實網上查到的製法都有很多，有些除lime juice和鹽，仲有tomato sauce, chili sauce… 更貼近拉丁美的火辣。

除咗飲凍啤，有時好熱好熱，唔知典解個腦就諗著尼一句歌詞 --- 來一杯清風

2010年2月23日星期二

口福之"年"

年廿九跟“WAF”組團年，我們在灣仔杭州酒家訂了八點半枱，我們準時到達攞位，可惜要再等十幾、廿分鐘才可坐底。

除了塘泥富貴雞要提早訂，其他餸菜就跟到達後才點的。

菜式:

鴨舌

香乾馬蘭頭

冰鎮海浙（當象拔蚌刺身吃）

炸響鈴（一咬即碎，友人話口感好得意，點茄醬吃的）

野筍（有梅味）

搶腰花（即豬腰）

糯米蓮藕

龍井蝦仁（食唔到龍井味，蝦細細隻）

東坡豬肉（必吃的）

火瞳老鴨煲 (好飲老鴨湯, 啲湯料十足又可當多一碟菜式)

生煎包

高力豆沙（已經好滿足，甜點唔覺得好味了）

桂花酒釀丸子

最後每位280，易發、易發。

http://www.openrice.com/restaurant/sr2.htm?shopid=13683

年初八”WAF”新年團拜後，晚餐我們選了加記。已經訂了7:30枱，準時到但未交枱，又繼續等。雖然是7:30枱，但是好多菜式已經售完，羊腩煲冇、帶子賽磅蟹冇。。。

最後我們的點菜員拒點貴價賀年菜式，所以點了“出街”常便飯：

面子咕嚕肉（小食家朋友給了一個Good）

米酒雞（小食家朋友又給了一個Good）

其他菜式就用"還可以"來作總結：

椒鹽四寶

生炆頭腩

金粟芙蓉羹

蒜子炒荳苗

醬油炒蝦

茜芹炒腰果蝦仁

不過賣單每位只是80元(又發)，大家都又滿足又滿意。

http://www.openrice.com/restaurant/sr2.htm?shopid=11329

2010年2月11日星期四

二百英鎊三日柏林遊 - 2

食方面 –

由於是Budget traveler 加上一個人，絕對沒有大魚大肉的情況出現。今次跟著旅行書去了三個比較特別的餐廳、咖啡館。其餘的餐食都在快餐店、超市等解決。

德國鹹豬手–位於 Alexplatz 站步行不遠的 Mutter Hoppe（大約五分鐘）是一間出名啤酒館，旅遊書特別介紹燜豬手，價錢很相宜€10。豬手燜得好腍，配菜有豆熔、鹹菜和薯仔、加上一杯Berliner Pilsener 啤酒，令人十分滿足（好FULL呀）。其實酒館的黑啤都好好味、燜豬手之外，它的烤豬蹄都好大碟，烤得好香好脆。

Mutter Hoppe

Rathausstraße 21

10178 Berlin-Mitte

http://www.prostmahlzeit.de/mutterhoppe/index.htm

咖啡館－位於 Uhlandstraße 站附近的 Berliner Kaffeerösterei 係一間好 Professional的咖啡館。店內有百多種的咖啡可供選擇，我自己頭痕完一輪都只是選了Hazelnut Cappuccino，唔特別不過都好好飲。其實店內有很多賣相勁得嘅蛋糕（見圖），不過豬手好似未消化完，又想慳錢，只有忍口。