在放手之前，想要抓多緊就抓多緊

大家都熱話《那些年》時，這部《星空》仿似被冷落了。

其實睇過之前改編幾米，很多時加了很多的搞笑情節，出來的效果很"不"幾米。這部《星空》改編得很好，雖然故事比較尚算單簿，淨睇trailer，你以為係十三歲少男少女的puppy love故仔，我自己覺得係兩個"同類"、"同病相憐"互相在對方找依靠，互相扶持的故事。

整體來說畫面很豐富、很靚，同時淡淡的哀愁在不知不覺間感染著你。

劇裡的主句: 《雖然一切都會過去，但是在放手之前，想要抓多緊就抓多緊。》

秘密花園

越睇越鍾意呢套韓劇，最喜歡睇“鬥咀”加口不對心的戲，依家晚晚(一至四)都追實J2。

不過之前我對女主角感覺麻麻，河智苑俾我 1st impression 係好似 May姐，可能髮型問題。依家睇多咗河的樣子，May姐嘅影子淡出咗。





呢張May姐髮型最似，不過雙下巴出來就唔係咁似。

鬆郁朦

自己係一個手震得好勢利的人，中學劏老鼠時已經好大問題。

至於影相還未有Panasonic的防震功能出現時，我影親都好震，影出都朦朦地。

除了震之外，out focus都係另一個問題，Manual Mode之後成日唔記得較focus。

雖然係咁，有時都有些"得意之作"(得我心意) -



隻手震得好勁



唔知乜，出來只有幾點光



手震加 out focus?





很明顯影完之後先醒起冇較focus

明知故犯

明明知道再肥下去,很多病痛就在轉角街口不遠處,心肝始終撐不起。

明明約好去游水，卻胡亂作個藉口爽約了事。

做事的動力, 在哪裡?

Published with Blogger-droid v1.6.9

唱K回憶錄 (1) - 半首歌

可能卡拉OK已經係過哂氣的娛樂，現在朋友通常都以新歌唔識唱，拒絕陪我在卡拉OK發癲。

對，我去卡拉OK係發癲，多過真唱歌，去睇MV多過唱歌，其實我又不致五音不全，不過拍子由細到大都有啲問題，另外無咗伴唱/原唱我喺會跟和唱唱到flat哂。

所以，我最怕同啲"要唱得好好先得"嘅人去唱K，又或者是"女仔歌一定要女仔唱、男仔歌一定要男仔唱"，合唱歌一定要指定男女、人數唱的人。

另外，幫人揀歌係我鍾意做嘅事，幫人插歌，停人哋唱都係我最拿手(都有少少Control Freak)。

其實已前好旺嘅卡拉OK時期，又貴、又短時間，通常最尾半小時(又一定要交返間房)還有成版歌未唱時，我一定強制實行唱"半首歌"之後Cut，快啲唱，大家拺咗的歌又可以個個都有得唱。

當大家同意之後，實行Cut歌嘅時間就我嘅娛樂時間... 因為通常歌最激昂的部份都在後半部份，唱到漸入佳景時被人狠心Cut咗，都幾慘。惟有安慰他們下次再唱過，一入K房即刻點返俾佢哋唱...

紅先生唱K

為朋友慶生，去了Red MR唱K。



去年年尾開幕後，有傳聞話又要好早Book，booking有兩、三個月，所以我一個月前book，都有D驚book唔到。
點知傳聞歸傳聞，我諗walk in 都無問題。

由於我們一行五人，唔夠數book大房，冇多媒體枱玩。星期六晚上八點後唱三小時包兩杯non-alcoholic飲品，生果盤和爆谷，每位為HK$209加一。生日切餅免費(不用check ID)，送埋有氣甜酒一支，計落都ok。職員服務ok週到，幾nice。



選歌當然無左一半歌，除了跟新方向有不同唱片公司支持，也因tvb cut哂4~5大唱片公司歌手(唔聽收音機嘅話)，所以有許多新歌唔識唱。不過，如果你鍾意唱英文歌嘅話，D英文歌好新好多，仲係原裝MV。

由於紅生唔爆，我哋唱到地下鐵無得搭之前走人回家。

王菀之 末日

早前日本地震後，有老朋友相約出來吃飯，介紹她自己正在參與一個更自我認識自己的Course，很想我加入個Course，覺得尤其大家都感到世界末日就近，個Course真俾到她推動力去處理家問題，也給予她不同角度的思考空間。

Course對朋友有好的impact，當然替她高興，不過個Course有多好，以我自己不喜與一大班人分享感受的性格，絕對 no way 。

傾談過程中，大家必然有講到日本地震、世界末日的話題，朋友問如果你知道世界末日就來，你會點樣利用餘下時間? (必然的思考/老吹問題)

我回答話，無乜特別想做，希望如常返工。

朋友覺得我的回答怪 (或者覺得我扮哂嘢)，再追問我無地方想去、無重要嘅人想去見?

我話想去旅行的地方當然有許多，想見嘅人也有很多。不過我諗你又知，佢又知世界末日，到時係唔係都有咁多人如常工作? 交通工具運作如常?

如果可以如常返工都幾好，代表個世界冇咁亂。

朋友又追間，咁連朋友、親友吃餐飯呢? 都唔想咩? 我當時答佢無乜特別想或者唔想。 不過心裹諗，如果到時約了朋友出來，好慘喎，晚晚都是“最後晚餐”。

依家再諗，到時約了人食飯，被人推搪、爽約時，會更hurt喎… 世界末日之前都唔同我食飯、重爽我約。 -..-

我其實諗 if 真有世界末日，末日之前希望大家唔好咁亂、唔好咁自私想自己的事先。大家都諗自己先，根本係無地方可以去，無人可見。

又或者轉過角度講，都未到世界末日，使唔使咁自私，下下諗自己先。

Ivana都派了很多歌，最新的一首叫 《末日》。我等緊佢嘅新碟…